5,6 milioi euroko aurrekontuarekin, 2023ko Erein laguntzen deialdia eta agindua argitaratu zituen Eusko Jaurlaritzak irailaren 27an.
Erakunde publikoentzako laguntzak, Euskal Autonomia Erkidegoko landa-eremuak sustatu eta garatzeko. Laguntza horiek “Landa-inguruneko oinarrizko zerbitzuetan inbertsioak” izeneko 2023-2027 KEBPBren esku-hartzearen esparruan sartzen dira.
Eskaera egiteko hilabeteko epearekin (2023ko urriaren 27ra arte), hauek dira diruz lagundu daitezkeen jarduerak:
- Ur-hornidura eta ‑saneamenduarekin lotutako oinarrizko azpiegiturak eta energia elektrikoa eta gasa hornitzea eta kanalizatzea.
- Energia berriztagarrien erabilera eta energia aurreztea sustatzeko azpiegiturak, erakunde onuradunen autokontsumorako.
- Turismoari lotutako zerbitzuetarako proiektuak eta azpiegiturak: interpretazio-zentroak/museoak eta turismo-bulegoak, ibilbideak eta bide homologatuak, autokarabanentzako aparkalekuak, etab.
- Erakundeen hirigintzako egokitzapena xede duten azpiegiturak: irisgarritasuna, lorategiak egitea, hiri-argiteria eta ‑altzariak.
- Oinarrizko zerbitzuetarako proiektuak: adinekoentzako eguneko zentroak eta egoitzak, haur‑eskolak eta farmaziak/botikak.
- Aisia, kultura eta kirolarekin lotutako zerbitzuentzako proiektuak.
- Komunitateko ekipamenduetarako irisgarritasun-proiektuak.
- Industriako poligono txikiak urbanizatzeko proiektuak.
Arabako Errioxako LGEtik, urtero bezala, laguntza eta aholkularitza eskaintzen diegu erakunde publikoei laguntzaren kudeaketan.
